GITUNOLAN og tabang ang laing 110 ka mga KaBrigadahan GenSan nahatagan og hinabang nga gikan sa mga miyembro niadtong Sabado.
Duha lang ang personal nga nagrepresenta sa gatusan ka mga natabangan ang nahinabi sa programang KaBrigadahan GenSan sa 89.5 Brigada News FM GenSan ug Brigada TV pinaagi nilang Ama ng Brigada Elmer V.Catulpos kauban si Atty.Kan Balleque.
Dakong kantidad ang natigom nga gibahin usab sa 110 ka miyembro nga may nagkadaiyang panginahanglanon sama sa hospitalization ug mortuary assistance.
Sama ni Jimmy Febra, 44-anyos nga gioperahan sa gall bladder niadtong Agosto 11 ug padayung gapaalim ang nahinabi personal sa pagtambong sa programa ug nagpasalamat sa tabang nga nadawat nga gikan sa pag-amot amot sa gatusan ka libo nga mga miyembro.
Si Jenny Paraiso usab nga ang inahan ang namatay ang nahatagan og tabang ug hugot nagpasalamat sa mga miyembro nga nagtinabangay aron matigom ang kantidad nga alang sa mga nagkinananglan.
Gitino usab ni Idol Brigada Elmer V.Catulpos nga ang tanang kwarta nga nakolekta sa mga miyembro ang maadto usab pagbalik sa mga nanginahanglan ug walay ni piso nga maadto sa Brigada.
Gisiguro niining miagi sa mga CPA nga gi-hire ug may record book, log sheet nga mahimong makita aron pamatud-an nga ligdong ug transparent ang pagpadagan sa KaBrigadahan GenSan.