Patay ang usa ka lalaki homan nga gipusil sa Phase 2 R.E.R Barangay Kauswagan ning syudad sa Cagayan de Oro.
Naila ang biktima nga si Samuel Giyang, 30-anyos, dunay duha ka anak nga nagpuyo sa brgy. Nazareth ning syudad.
Sigun sa usa ka Iran Guiyang kinsa ig-agaw sa biktima nga naka-abot sila sa maong lugar tungod gi-ubanan nila ang inahan sa biktima nga nagpa-dialysis sa usa ka dialysis center.
Sakay sila sa usa ka taxi, ug samtang gi-ubanan ni Iran ang iyang ayaan nga 69-anyos nga nagpa-dialysis, nidalikyat matud pa ang biktima sa usa ka kan-anan atubangan sa dialysis center aron duna unta’y paliton.
Apan dako na lamang ang katingala sa ig-agaw sa biktima nga dunay panghitabo sa gawas nga dunay pagpamusil diin ang pangalan sa biktima, Samuel.
Dali sab kini nga mipahibalo sa ilang kabanay, gawas lamang sa inahan sa biktima nga usa na ka senior citizen.
Dugang ni Iran nga wala sila’y nahibal-an nga dunay kabikil ang biktima tungod wala kini libog nga tawo.
Samtang, gibutyag sa usa sa mga naka-saksi nga nakita niya mismo nga dunay naka-jacket nga lalaki nga maoy mipusil sa biktima, ug dali dal inga mipalayo sa area kung asa nahitabo ug mi-angkas sa motorsiklo ug mipasutoy sa pagdagan.
Nagpadayon karon ang imbestigasyon sa otoridad kalabot sa pagpamusil ilabi na sa pagtumbok sa posibling motibo sa krimen.