Arestado ha sulod han kwarto han hotel ha Tanauan, Leyte an usa nga lalaki samtang kaupod ini an usa nga 20-anyos nga babaye nga ginhadlok ngan ginpirit daw han suspek nga makipaghilawas ha iya.
Makikit-an ha usa nga video an pagsugod han mga operatiba han National Bureau of Investigation-Eastern Visayas Regional Office, ha sulod han kwarto kun diin nakadto an suspek nga hi Francis Niño Niepes, 20-anyos.
Narescue naman han mga otoridad an babaye nga biktima, nga nakilala han suspek ha usa nga dating site.
Basar ha imbestigasyon han NBI, nakumbinsir daw han suspek an biktima nga magpakita hin maseselan nga parte han lawas hini ha ira video call.
Pero deri maaram an biktima, nga ginre-record han suspek an video.
Sumala kan Atty. Jun Dongallo, Regional Director han NBI-EasternVisayas Regional Office, an nasabi nga video an gin-gamit han suspek para ig-blackmail an biktima nga makipagkita ngan makipaghilawas
Naghangyo pa daw an babaye nga magbabayad na la pero nagpirit an suspek nga karuyag hini makipaghilawas ha biktima.
Naghulga daw an suspek nga ig-uupload an video pananglitan deri maruyag an babaye ha iya karuyag.
Pahinumdom naman ni Dongallo ha publiko, nga deri maghatag hin sensitibo nga litrato o video.
Hapagkayana in himas-rihas na an suspek ngan naatubang na hin kaangayan nga kaso.