Gin pasaeamatan it Department of Interior & Local Government (DILG) 6 ru Local Government Unit (LGU)-Kalibo sa pag suporta sa 3-Day Bayanihan Bakunahan National Drive.
Suno sa DILG-6, ru pag suporta sa programa it gobyerno hay sangka pagsunod sa responsibilidad bilang public servant kapin pa sa makaronnga may pandemya.
Sa FB post it LGU-Kalibo, mabahoe ru maibulig it “Bayanihan Bakunahan” agud makontra ru COVID-19 transmission.
Padayon gihapon ru pagkombensi sa publiko nga mag pabakuna makaron adlaw it Lunes Nobyembre 29 hasta Disyembre 1, 2021.
Kun matandaan, target it gobyerno ru 15 million sa bilog nga nasyon o 5 million kada adlaw nga nabakunahan it COVID-19 vaccine. //MARIVIC Y. ILIN