Gipalapdan pa sa Land Transportation Franchising and Regulatory Board-XI ang Libreng Sakay alang sa health workers at APOR (Authorized Persons Outside Residence) sa bag-o niining rota.
Kini human pormal nang gilusad kagahapon ang unang pasada sa Libreng Sakay sa Bansalan, Davao del Sur sa pagpanguna ni LTFRBXI Regional Director Nonito Llanos III kauban ang Mayor sa Bansalan ug Branch Manager sa Bachelor Express Inc nga si Jonathan Alingcomot,
Gisugdan ang programa pinaagi sa lima ka bus kauban sa 15 ka drayber na may rotang Bansalan, Davao del Sur padulong sa Digos City, Davao del Sur ug vice-versa.
Sa Libreng Sakay kinahanglan lang nga ipakita sa mga Health Workers ug mga APOR ang ID aron makasakay nga libre.
Makatabang matud pa kini og dako sa mga frontliners, ang Service Contracting Program lakip na usab sa mga drivers nga apektado sa pandemya.
Ang maong programa ubos pa gihapon sa Republic Act 115 o Bayanihan to Recover as One Act.
