Nag-angkon it nina sa waea nga leog ro sangka senior citizen matapos raya nga bun-on it anang kaeapitbaeay sa may Brgy. Balusbos, Buruanga, Aklan.
Ginkilaea ro biktimang si Nestor Labindao, 66yo samtang ro suspek nga kaeapitbaeay kara hay ginkilaea nga si Jay Prado, 42yo ag parehung residente sa lugar.
Natabo ro insidente kahapon kung siin, samtang naga eaha segun ro biktima sa baeay kara hay ginsueod raya it suspek ag ginbuno sa leog.
Sa makarun hay sa ICU it Aklan Provincial Hospital ro biktima samtang nadakpan man eagi it Buruanga PNP ro suspek.
Narekober sa suspek ro kutsilyo kara nga may haba nga 9 inches nga ginamit sa pagbuno sa biktima. / ANN DESLENE SALAZAR