LEGAZPI CITY – May pagirumdom an Land Transportation Office (LTO) Bicol sa mga nagmamaneho nin mga lunadan orog na sa mga nagagaramit nin e-bikes.
Sa intrevista kan Brigada News FM Legazpi kan LTO Bicol Regional Director Francisco Ranches, Jr., sinabi niya na dai paggamiton an national roads o highways asin main roads kun slow-moving vehicles an gamit na lunadan.
Duman sana dapat ini sa mga slow-moving vehicle lanes o kaya sa gilid asin dai makipagsusuan sa mga fast-moving vehicles.
Segun kay Ranches, may klasipikasyon an mga e-bikes – bako su boot gabos na mga e-bikes, slow-moving.
Apwera digdi, an mga e-bikes na 25 kph pababa, dai man su boot required na irehistro asin dai pigtutugutang gamiton sa national highways.
Tinawan-doon man kaini, kun an mga klasipikasyon kan lunadan required an may lisensya, mag-utob na sana asin magkua ki lisensya nganing wara ki magin problema.