KALIBO, AKLAN—Nagaisahanon nga lugar sa probinsya it Aklan do banwa it Madalag nga owa eon it aktibong kaso it COVID-19 as of June 22, 2021.
Raya hay base sa ginpaguwa nga datos it Aklan Provincial Epidemiology and Surveillance Unit (PESU).
Nasayuran nga humalin nga nag-umpisa do pandemiya ku Marso 2020, do Madalag hay nakalista it COVID-19 cases nga nagaabot sa 41 kung siin 39 kara do nagmaeayad ag daywa man do binawian it kabuhi matapos iguan it deadly virus.
Nagapanguna man do banwa it Kalibo nga imaw do kabisera it Aklan sa may pinakamaabong aktibong kaso na nagaabot sa 169, pangaywa do Nabas nga may una nga 102, ginasundan it New Washington (94), Malay (88), Ibajay (73), Makato (68), Numancia (45), Lezo (42), Batan (38) Tangalan (34), Banga (30), Malinao (19), Buruanga (9), banwa it Libacao nga may ap-at na aktibong kaso ag tatlo man sa Balete.
Samtang, as of June 22, 2021, do probinsya hay may unang 3,735 total confirmed cases, 3,735 total recoveries, 854 active cases ag nagaabot sa 86 do COVID-19 related deaths. // SHERRY ANNE REUNIR-VIDAL