NAGA CITY – Magiging abala ngayong Abril ang mga personahe ng Comelec-Naga sa mangyayaring Election Registration Boards Hearing o ERB Hearing para sa mahigit apat na libong bagong nagpa rehistradong botante sa lungsod mula Pebrero at Marso, ayon kay Atty. Maico Julia Jr., Comelec officer.
Sa pakikipag-usap ng Brigada News Fm Naga kay Atty. Julia, sinabi nitong bago pa maging opisyal na botante ang mga ito, kailangan na maaprobahan muna ng boards ang kanilang aplikasyon na maging botante, na pag dedesisyunan ng mga kasamahan mula sa Department of Education at sa Local CiviL Registrar.
Paliwanag ng abogado kailangan na may ganitong proseso para malaman at masagot ang ilang mga isyu ng mga transferees kabilang na ang hakot-system na dati ginagawa ng mga politico, kung may ganitong voter’s registration.