Gin-presentar ni Malay Chief of Police PLTCOL DON DICKSIE L DE DIOS ro daywa ka brandnew nga motorsiklo kay Mayor Floribar S Bautista sa PCP5 – Malay MPS.
Bilang kabahin it PNP Capability Enhancement Program, nakabatun ro Malay PNP it daywang ka motorsiklo pinaagi sa pagtinguha ni PBGEN LEO M FRANCISCO, Former Regional Director it PRO6 ag presente nga Director for Operation, PNP.
Suno kay PLTCOL DE DIOS, halin kat mag-assume imaw bilang COP it Malay ro istasyon hay may una eamang nga 16 issued nga motorsiklo, pero 4 eamang sa mga raya ro magamit.
Sa presente, sa idaeum segun it pagpamuno ni De Dios, 6 sa nabilin nga 12 ka motorsiklo hay naayos, samtang lima sa mga raya hay owa eon na-repair. // ANN DESLENE SALAZAR