Gimandoan sa Mayor ang mga labaw sa departamento sa LGU Gensan nga magtipid sa ilang pondo alang sa tuig 2023 gumikan mobos ug dakung kantidad ang National Tax Allotment kon NTA sa syudad gumikan sa epekto sa pandemya.
Sa paghinabi sa Brigada Patrollers kay City Budget Officer John Philip Quemosing sumala niini nga sa tuig 2022 adunay pag usbaw sa kanhi IRA ug karon gitawag nga NTA nga mokabat sa 700Million Pesos gumikan sa implementasyon sa Mandanas Ruling.
Ang usbaw Tungod daw kay ang gikuhaan sa pondo nagikan sa Bureau of Internal Revenue,Bureau of Customs ug sa Bureau of Local Treasury sa 2019 Collections of Taxes.
Apan gumikan niubos and collection sa 2021gumikan sa epekto sa pandemya,ang resulta niini moubos usab ang pondo nga makuha gikan sa tulo ka Bureau ug mogamay usab ang mga NTA sa nga Local Government Units.Sa bahin sa Gensan anaa sa 404Million Pesos ang mawala sa 2023 nga NTA mao nga daku kaayo nga adjustment ang himuon sa mga LGU sa ilang budget.
Gidugang ni Quemosing nga nakahimo na sila ug meeting kay Mayor Lorelie Pacquaio ug iyaha nag i presenta ang sitwasyon,tungod niini ang mando sa mayor ngadto sa mga labaw sa departamento nga mag tipid sa ilang pondo alang sa 2023.
Ang sigurohon lang daw nila mao ang mga mahinunongdanon nga programa kon Development Programs sama sa Social Services ug sa Education ug mahimong efficient sa infrastructure projects.