Gina papahueat anay hasta mag balik sa normal ni Aklan Governor Florencio Miraflores ru mga Aklanon nga gustong mag-uli sa probinsya.
Kinahangean eamang nga mag pakita it QR Code ru mga essential travelers nga may kompletong requirements halin sa Aklan Province validating team.
Gin klaro man it gobernador nga ru mga essential travelers eamang ru gina taw-an it QR code ag gina pasugtan nga maka-uli sa probinsya.
Ru mga essential travelers hay ru mga opisyal it gobyerno, Authorized Person Outside Residence (APOR), o may mga emergency cases.
Naga kabaeaka man ru gobernador sa mga Aklanon ng anaka hang gihapon ru andang pag-uli dahil sa travel restrictions.//MARIVIC Y. ILIN