KALIBO, AKLAN—Uman nga nag-apela sa publiko do Provincial Epidemiology and Surveillance Unit (PESU) nga hugot nga sundon do mga protocols bangud sa padayon nga pagsaka it kaso it COVID-19 sa probinsya it Aklan.
Padayon sigon do pagbulig it Aklan PESU sa pag-swab sa mga LGU’s dahil nagasinaka do kaso it deadly virus sa mga banwa sa probinsya.
May una man nga mga health workers nga nagpositibo sa baeatian bangud sa pag-alaga sa mga pasyente.
Angot kara, ginpaabot man it mga frontline healthcare workers sa Aklan nga kung nagaoy eon do publiko magpamati sa mga health protocols, dapat man nga isipon it mga raya nga sanda hay nakakabatyag man it gapoy.
As of May 21, 2021, do Aklan hay may una nga kabilugang kaso nga nagaabot sa 2,100 kung siin 328 pa kara do aktibong kaso, 1,728 do total recoveries samtang nagapabilin sa 44 do COVID-19 related deaths. // SHERRY ANNE REUNIR-VIDAL