GINAPROSESO na ang financial assistance nga ihatag alang sa mga hog raisers nga apektado sa African Swine Fever kun ASF sa Purok San Lorenzo sa Barangay Apopong.
Segun ni City Budget Officer Philip John Quimosing nga naaprobahan na ang maong ayuda subay usab sa gisumite nga proposed budget sa City Vet.
Hinuon dili mahatag og ensakto ang kinatibuk-ang pondo sa maong ayuda apan anaa na matud pay kwarta alang niini ug ginaproseso na.
Dili pa usab mabutyag kung kanus-a mahatag sa mga hog raisers apan ang klaro nga madawat ang maong ayuda karong tuiga.
Kahibaluan nga ubay ubay usab sa mga hog raiser sa Purok San Lorenzo, Brgy.Apopong ang nagahulat ug aron may magamit na sa pagsugod nila sa ilang panginabuhian.