SUNOD bulan lauman nga makadawat og increase sa ilang suweldo ang mga job order nurses ug doktor sa city government-run Dr. Jorge P. Royeca Hospital kun DJPRH.
Kini ang gibutyag ni Glenville Gonzalez, DJPRH department head, asa kasamtangan ang LGU ang ga-finalize sa ilang implementasyon epektibo Agosto 15 nga gahatag og bag-ong salary scale alang sa mga job order employees.
Giklaro ni Gonzales nga lakip sa maong usbaw sa sweldo ang mga nurses, medical specialist ug medical officers.
Giduso matud pa nila ang pagpataas sa basic salaries sa mga nahisgutan aron nga mahatagan sila og paigong kompensasyon luyo sa nagpadayung pandemya sa COVID-19.
Nagtumong usab kini aron mapugngan ang mga nahisgutan sa pagkonsidera sa ubang employment options o tanyag ug pag-resign gikan sa ospital.
Giangkon usab ni Gonzales nga sukad Enero, mokabat sa 25 ka job order nurses ang mi-resign sa ilang trabaho asa lakip sa mga rason ang mas taas nga salary rates sa ubang hospital. Kasamtangan ang Dr. Jorge Hospital adunay kinatibuk-ang 97 ka job order nurses samtang 30 ang regular o permanent employees.