SUBLING gipaklaro sa City Health Office nga wala gadawat og walk- in ang mga vaccination sites sa mga buot magpaturok sa bakuna kontra COVID-19.
Matud ni Dr. Rochelle Oco, labaw sa City Health Office nga moagi sa pre-registration process ang gusto magpabakuna gumikan adunay ginatuman nga guidelines ang Resbakuna campaign sa city government.
Gibuhat niini ang pagpaklaro human nga midagsa sa vaccination site ang daghang tawo dihang madunggan nga adunay walk-in nga ginadawat.
Giklaro usab ni Dr. April Mae Maquilang naga-cater lamang sila og mga walk-in para lamang sa mga urgent priority population sama sa mga senior citizen ug OFW’s.
Sa karon target sa CHO nga maka- akomodar ug 1,000 individuals sa isa kaadlaw aron mamahimong paspas ang roll-out sa bakuna. ( Enamie Mogpon)