Ginahulat sang Provincial Health Office sang Negros Occidental kun ano ang mangin mando sang Central Office sang Department of Health kun ano ang pagahimuon sa 1,492 ka vials ukon 14,920 ka doses sang AstraZeneca vaccine ginreport sadtong nagligad nga semana nagkala-expired.
Ginpahayag ni Dr. Claudelia Josefa Pabillo, Acting Chief of Hospital sang Lorenzo Zayco District Hospital sa syudad sang Kabankalan kag focal person sang vaccination distribution sang PHO, sandig sa nangin mando sang Regional Health Office sang DOH ang vaccines ang nagapabilin nakatago sa cold room facility sang probinsya kag may possibilidad ini ang pagagamiton sandig sa igapaguwa nga Emergency Use Authority sang Food and Drug Administration ukon FDA.
Dugang pa ni Dr. Pabillo may mga higayon nga ang isa ka vaccine expired na apang may ‘extension’ nga tatlo ka bulan sa kundisyon ini ang nakabutang sa nagakaigo nga cold storage facility.