Padayon karong gilutos sa mga sakop sa 66th Infantry (Kabalikat) Battalion ang mga sakop sa Guerilla Front 18 sa New People’s Army (NPA) nunot sa nahitabong engkwentro sa Sitio Mamacao, Brgy Napnapan, Pantukan, Davao De Oro kagahapon.
Nagkasukliay og bala ang tropa sa gobyerno tali sa gibana-banaang 20 ka mga rebelde ubos sa Guerilla Front 18 (WGF18), Sub-Regional Committee 2, Southern Mindanao Regional Committee (SMRC) nga gipanguluhan sa usa ka “Ka Domai”.
Walay natalang samdan sa bahin sa militar samtang padayong gisubay kung dunay casualty sa pikas pondok sa halos duha ka oras nga gyera.
Narekober sa encounter site ang 40mm Grenade Launcher ammunition, duha ka Dual Purpose Type IEDs, 200 rounds sa 5.56mm linked ammunition, Rifle Grenade, Blasting Cap, mga konsumo, tambal ug ubang kagamitan sa mga rebelde.
Gisiguro karon sa militar ang seguridad sa katawhan sa maong lugar dungan sa gihimong clearing operation. BNFM-DAVAO
