Arestado ang upat ka mga myembro sa Communist Terrorist Group (CTG) sa mga sakop sa 701st Infantry “Kagitingan” Brigade, 66th Infantry “Kabalikat” Battalion, Intelligence Units ug Philippine National Police atol sa gilusad nga AFP UG PNP Intelligence Operations.
Ang pagkaresto sa mga rebelde nunot sa nadawat nga sumbong gikan sa mga nagpakabanang lungsuranon human namatikdan ang ilang presensya sa Sitio Binogsayan, Brgy. Napnapan, Pantukan, Davao De Oro busa dali nga girespondihan sa tropa sa 701st Infantry “Kagitingan” Brigade.
Narekober usab sa maong operasyon ang upat ka high-powered firearms nga gilangkuban sa M16A1 rifle, AK47 rifle, M653 bushmaster rifle , ug AR15 rifle.
Sumala pa, notoryos ang maong grupo sanglit sila ang responsable sa serye sa pagpangilkil ug pagpamanhig.
Milyones na matud pa ang nakilkil sa mga rebelde sukad 209 hangtud 2021 kung asa moabot na sa 125 ka extortion activities ang natala diin ang mga pribadong indibidwal ug negosyo ang ilang nabiktima. BNFM-DAVAO
