Niduyog ang mga personahe sa Misamis Occidental Police Provincial Office sa pag-obserbar sa National Flag Day kaniadtong Mayo 28, 2023, sa may alas 8:00 sa buntag isip paghandom sa unang paggamit sa Bandila sa Pilipinas kaniadtong 1898.
Diin, kaniadtong Marso 6, 1965, gi-issue ang Presidential Proclamation No. 374, nga nagdeklarar sa Mayo 28 isip National Flag Day, aron paghandom sa petsa nga unang gibukhad ang nasudnong emblema, human gipildi sa Philippine Revolutionary Army ang mga pwersa sa Espanya sa Gubat sa Alapan, Imus, Cavite niadtong 1898. Usa ka Nationwide Simultaneous Flag Raising Ceremony ang napahigayon kabahin sa maong aktibidad.
Gisugdan ang nasampit nga aktibidad pinaagi sa usa ka pag-ampo, nga gipanguluhan ni Pastor Eddie Bendoy, Faith Based Volunteer.
Samtang gisundan kini sa usa ka recital sa Panunumpa ng Katapatan sa Watawat ng Pilipinas, ug Police Officers Pledge ni PLT DESIREE B RELOS- Deputy PIDMU, ug ang recital sa Pagpupugay sa atong Pambansang Watawat gipangulohan ni PMAJ AGUSTINE G ARAZO- C PIU. Malampusong natapos ang nasampit nga aktibidad sa susamang petsa, ubos sa superbasyon ni PCOL MARLON LOMARDA QUIMNO, Provincial Director sa Misamis Occidental Police Provincial Office. //END