Sumunggab ro sangka motorsiklo sa patrol car it pulis sa may Brgy. New Buswang, Kalibo.
Ro motorsiklo nga owa it plate number hay ginamanehu ni Jonas Equina 24yo nga residente it Brgy. Bacan, Banga, Aklan.
Maga-left turn kunta ro motorista pero sumalpok raya sa patrol car it 1st Aklan Provincial Mobile Force Company nga ginamanehu ni Police Corporal Dave Arboleda 31yo.
Bangud sa aksidente, nag-angkon it lastro sa kaeawasan ro motorista nga insigidang dinaea sa Aklan Provincial Hospital para sa nagakaigu nga pagbueong.
Nag-angkon man it kasamaran ro patrol car bangud sa aksidente.
Samtang, matapos ro medical check-up ni Equina hay gindaea raya sa Kalibo MPS para sa nagakaigu nga disposisyon. / ANN DESLENE SALAZAR