Contract of Affiliation
ISIP pagtuman sa requirements nga gitakda sa Commission on Higher Education, ang Mindanao State University – GSC College of Medicine nag-renew sa ilang Contract of Affiliation tali sa Dr. Jorge P. Royeca City Hospital, nga gipresentahan ni Mayor Lorelie Pacquiao, October 17, 2022, sa City Mayor’s Office Conference Room.
Si Dr. Edwin Alconcel, COM Dean, nagpadayag sa iyang kagustuhan nga makig-link sa syudad ug sa kasamtangang administrasyon aron makamugna og programa nga ma-expose ang medical students sa hospital ug rural health units, ug sa vision sa Commission on Higher Education nga makaserbisyo sa mga ‘underserved ug unserved’ areas sa GenSan.
Gipresenta usab sa mayor ang iyang proposal sa pagsuporta sa College of Medicine ug motanyag og scholarships alang sa future medical students, ug isip balos, ang medical students moserbisyo usab sa city hospital ug rural health units.
Anaa usab sa misaksi sa maong contract of affiliation silang Kagawads Richard Atendido ug Atty. Dominador Lagare Jr., faculty and staff sa MSU – COM, acting City Administrator Shandee Llido-Pestano ug Dr. Ryan Aplicador, nga nagrepresenta sa Dr. Jorge P. Royeca City Hospital ug sa City Health Office.