Maga pangatubang it kasong pag-eapas sa Presidential Decree 1865 o Illegal Trading of Petroleum Products ru sangka negosyante it tingi-tingi nga gasolina sa Brgy. Laserna, Nabas, Aklan.
Sa imbistigasyon, nakilaea ru naaresto nga si Allan Jadia, 45 anyos ag residente it nasambit nga lugar.
Naka baton sigun it tawag sa telepono ru Nabas Municipal Police Station halin sa sangka concern citizen sa bawae nga pag baligya it gasolina sa lugar.
Eagi nga nag himo it entrapment operation ru mga kapulisan pinaagi sa pag pakono-kono ru mga pulis nga naga bakae it 10 litros nga gasolina.
Gin bayaran it pulis ru negosyante it P600 ag pag baton it kwarta, eagi nga nag pakilaea nga sanda hay mga pulis rason nga uwa eon kabalibad ru negosyante.
Na recover it mga pulis ru 4 nga container nga may sueod nga gasolina; 13 maintok nga botelya nga may sueod nga gasolina.
Presenting sa kustodiya makaron it Nabas PNP ru negosyante.//MARIVIC Y. ILIN