Nagalambot sa 61.14 % ang mga fully vaccinated sa probinsya sang Negros Occidental ukon mga 874,011 ka mga pumuluyo naga-edad 18 tubtub 59 anyos, sandig sa record ginpaguwa sang Regional Vaccination Operations Center, DOH Western Visayas Center for Health Development.
Sa bahin sang mga nakabaton sang ‘1st dose’ ini nagalambot sa 66.67% ukon mga 953,098 sa idalom sa gihapon sang 18-59 nga age group. Samtang, sa mga naga-edad sang 60 anyos pasaka, ang mga nakabaton sang 1st dose yara sa 49.36% nagadamo sang 133,077 kag ang mga fully vaccinated nagalambot sa 46.65 % ukon 125,774.
Sa mga pamatan-on naga-edad sang 12 tubtub 17 anyos, ang mga fully vaccinated nagalambot sa 66.73 % samtang ang mga nakabaton pa lamang sang 1st dose yara sa 74.68 %.
Mga kabataan nagapang-edaron sang 5 tubtub 11 anyos, ang nakabaton sang 1st dose nagadangat sa 4.61 % ukon mga 16,728 ka mga kabataan. Via | Nimrod Zabala