GITUKI sa komitiba sa Social Services ang sugyot balaudnon alang sa One Time Cash Gift nga P50,000 alang sa mga Senior Citizens sa General Santos City nga makaabot sa edad 85-anyos.
Gipangunahan ni Konsehal Lourdes Casabuena ang pagdungog tinambongan nilang konsehal Atty. Kan Balleque, Virgie Llido, Jane Rivera ug Elizabeth Bagonoc.
Ang sugyot nga sa mga senior citizens nga taga Gensan makadawat og P50,000 kon makaabot sa edad nga 85-anyos.
Sumala kay Budget Officer John Quemosing nga mas maayo kon ibutang sa Whereas kung asa kuhaon ang pondo aron nga klaro ang kung asa kuhanon.
Tungod niini giduso ni Konsehal Kan nga kuhaon sa Real Property Tax unya sa Business Tax apan dili molapas sa lima ka porsyento sa collection sa duha ka matang sa buhis.
Giduso ni Konsehal Bagonoc ang pagtugot sa sugyot balaudnon sa ang-ang sa komitiba ug walay nisupak apan nitingog ang labaw sa Office of Senior Citizens Affairs Office kon OSCA nga si Josephine Mendoza naghangyo nga unta makaya sa Local Government ang kantidad kay sila ang awayon kon dili makaya ang P50,000.
Sa datus sa naga edad 85-anyos pataas anaa sa 949, nagkinahanglan kini og P47,450 Million.
Tungod niini nagduso ug mga kausaban ang ubang konsehal, tungod niini nag deklara usa og recess ang Chairperson sa komitiba. I Ver Diazon