BICOL – Padagos na nairerehistro an signipikanteng pagbaba sa mga kaso nin African Swine Fever o ASF sa rehiyon, segun sa Department of Agriculture o D.A-Bicol.
Sa pahayag ni Emily Bordado, DA-Bicol spokesperson ini an base sa report kan Regional Quick Response Team (RQRT) for Animal Disease Emergencies na kumpirmado man kan mga laboratory tests.
Segun ki Bordado, nairehistro an downtrends kan mga kaso kan bulan nin Enero ngunyan na taon na may sitwenta y sais na kaso; kwarwenta y siyete na kasong nairehistro kan Pebrero; anom kan Marso; tolo kan Abril mantang may duwang kaso sanang nairehistro kan Mayo.
Magigiromdoman na sa Camarines Sur nairehistro an pinaka na enot kaso nin ASF sa Bicol, Pebrero kan nakalihis na taon, kun saen uminabot sa sisenta y kwatro an bilang kan mga banwaan sa rehiyon an naapektaran.
Ini soboot an kabaing nin 56% kan kabilugan na siento katorseng mga munisipalidad. Trwenta y cuatro an mayong nairehistrong kaso alagasd konsideradong pink zones; sampulong free zones asin anom na protected zones.
Base sa rewcxorsd kan DA, hasta kan ultimong semana kan Mayo uminabot sa labi bwentwe dos mil na mga orig na pagsasadiri nin labi 3,500 na mga hog raisers an na-depopulate.
Mantang nasa 71.4 million pesos man an ipigtagama kan ahensya para sa asistensya kan nasa labi katorse mil na mga orig na pagsasasdiri nin 2,600 raisers.
Dagdag pa ni Bordado, kan nakalihis na aldaw kan nagpaluwas an Department of Budget and Management (DBM) nin maabot sa 15 million pesos para sa indemnification kan mga natatadang hog raisers na naapektaran kan ASF outbreak.