GITUN-AN pa karon sa Department of Health (DOH) 12 kung unsa ang paagi nga himoon sa pagpabakuna batok Covid-19 sa mga Person’s Deprived of Liberty (PDL) sulod sa mga city ug provincial jail sa Soccsksargen region.
Matud ni Arjohn Gangoso, tigpamaba sa DOH-12 kinahanglan nga planohan og maayo ang pagpahigayon niini. Makigpulong sila sa mga Rural Health Unit (RHU) ug mga provincial ug city health office lakip sa Bureau of Jail Management and Penology (BJMP) aron makamugna og plano.
Butyag ni Jail Superintendent Metz Milton Placencia, jail warden ugaling makahatag na og schedule ang sa pagbakuna sa PDL. Hangyoon nila nga sulod lang sa jail facility himoon aron dili mogawas pa ang mga piniriso aron moadto sa vaccination site. Kahibaloan nga mokabat sa 56 ka inmate sulod sa GenSan City Jail ang nagpositibo sa Covid-19 ug nakarekober na. Samtang, mokabat na sa 95% ang sakop sa BJMP sa GenSan ang nabakunahan kontra sa virus. Dugang ni Placencia dunay ang 5% mao ang nag-defer ug duna usab ang wala nakapasar sa screening. ( Richel Gubalani)