MOKABAT na sa 31,000 ang ihap sa mga nabakunahan sa Resbakuna Campaign Vaccination sa General Santos City. Base sa datos gikan sa City Health Office, anaa na sa 31, 327 ang bakunado na sa syudad kung asa 22,1 96 ang nakadawat na sa ilang unang dose.
Sa maong ihap, naa na 8,764 ang mga frontline/healthcare workers kon A1, anaa sa 8,049 sa senior citizens kon A2 og 5,383 gikan sa mga persons with comorbidities kon A3 priority group.
Samtang mukabat sa 9,131 ang fully vaccinated na kon nakadawat na sa ilang 2nd dose sa bakuna. Sa maong ihap, mukabat sa 6,984 gikan sa frontline/healthcare workers kon A1, anaa sa 2,108 sa senior citizens kon A2 ug 39 pa lang gikan sa mga persons with comorbidities kon A3 priority group. Sa karon, padayon ang panawagan sa DOH 12 nga magpabakuna na og second dose ang mga nabakunahan na og first dose vaccines. Samtang padayon ang paglista sa mga nalakip sa A4 category nga gustong mabakunahan. Wala pay schedule sa pagbakuna sa maong grupo og gihulat pa ang pag-abot sa vaccines alang kanila. ( Richel Gubalani)