Sinira ng Department of Trade and Industry Region 2 Consumer Protection Division ang mga nakumpiskang uncertified products kaalinsabay ng selebrasyon ng World Consumer Rights Day.
Ayon sa DTI region 2, ang sinirang mga produkto ay kinabibilangan ng light bulbs, LED lights, lighters, electrical tape, lamp holder, extensions, electric rice cookers, induction cookers, electric stoves, electric blenders at iba pang electrical products.
Ang mga ito umano ay walang Philippine Standards (PS) Mark o Import Commodity Clearance (ICC) stickers na nirerequire ng Bureau of Philippines Standards (BPS) kung saan nangangahulugan lamang hindi ito ikinokonsiderang ligtas para sa human consumption.
Tinanunghayan ng COA, LGU, BIR at DENR ang pagsira sa nasabing mga produkto para sa transparency at tamang disposiyon ng mga ito.
Layunin ng naturang aktibidad na paalalahanan ang mga business establishment siguraduhing ang mga ibinebentang produkto ay standard-compliant at government-certified upang matiyak ang kaligtasan ng mga mamimili.
Nagpapatuloy naman ang isinasagawang pagsusuri ng DTI sa mga establishimentong lumalabag sa kanilang panuntunan at nagbebenta ng hindi sertipikadong produkto upang matyak na maganda ang kalidad ng mga ibinebenta sa merkado.