Gin aprubahan eon it House Committee on Aquaculture and Fisheries Resources ag ku Committee on Appropriations ku Mayo 30, 2023 ro hagna nga may tinutuyo nga magtukod it fish port sa Tangalan, Aklan.
Gintalakay ag ginpasa it mga komite ro House Bill No. 8460, nga ginpakilaea ni Aklan Second District Rep. Teodorico Haresco, Jr.
Tinutuyo kara nga magtukod it hub para sa pag proseso ag pagpanagtag it mga produktong isda sa Western Visayas.
Ro pagtukod it fish port hay paga panginpuslan man it mga lokal nga mangingisda ag andang mga pamilya halin sa Tangalan, Aklan ag mga kaeapit nga komunidad pinaagi it pagtao it mga oportunidad sa pangabuhian ag pag umwad it ekonomiya. // ANN DESLENE SALAZAR