Nakuha sang pambato sang Sigma ang kampyonato sa Bugal sang Capiz Singing Competition 2023 nga ginhiwat kagab-i sa atubang sang Kapitolyo probinsyal.
Nagpangibabaw si Mae Julliene Perez sang Pagbunitan Sigma, Capiz, 1st Runner up naman si Prance Wenn Parcon sang Codingle, Dumarao kag 2nd Runner Up naman si Jeisel Boduso sang Brgy Guba, Pontevedra, Capiz.
Mahibaluan nga 17 tanan ka mga talentado nga Capisnon ang nagpaindis-indis sa pagkanta sang nanari-sari nga ambahanon ukon Original Pinoy Music (OPM).
Naghatag man sang Intermission Number ang pila ka Capisnon Contender sang Tawag ng Tanghalan, Mark Pieza, Top 3 Bugal sang Capiz Winners sang nagligad nga pag paindis-indis, Gerlie Alis, Nagtambong man diri nga lihok si Vice Governor James “Mitang” Magbanua kag naghatag sang awards sa mga tigdaog kaupod sanday PTCAO Head Alphonsus Tesoro, BM Trina Almalbis, kag BM Cecilio Fecundo.