KALIBO,AKLAN—Kulong sa Kalibo MPS ru umagad matapos bun-on ru panugangan sa sangka birthday celebration sa Brgy. Nalook, Kalibo kainat aga-aga.
Sa report, gustong mag-uli sa panimaeay ru umagad dahil sa aga-aga eon apang gin ponggan it mga tinapikan agud maiwasan ru aksidente dahil hilong eon ru umagad.
Ikara gin kagot it umagad rason nga solohanon nga umuli sa andang panimaeay sa Brgy. Tigayon, Kalibo.
Kabaylo nga magkatueog sa andang panimaeay, bumalik imaw sa selebrasyo nga may daeang siyaw ag kabilya.
Ikara gin ka alerto it mga tinapikan hasta nga nag-angkon it mainitang diskusyon ag nauli sa pagbuno sa uyahon particular sa ibabaw it mata ku bayaw.
Umapin ru panugangan ag hinampas ru likod nga parte it ueo gamit ru kabilya.
Eagi man nga gin respondihan it MDRRMO-Kalibo ru insidente para daehon sa hospital ru mga imbolbado.
Samtang, nagka areglo man ru mga raya sa condition nga indi gustong makita ru umagad nga taga-Iloilo.//MARIVIC Y. ILIN