LEGAZPI CITY – Nagpaluwas na nin advisory an Philippine Coast Guard (PCG) Bicol manungod sa gale warning sa nagkapirang parte kan Bicol Region huli sa maraot na panahon.
Paramientras na pigbabawalang maglawod sa kadagatan an mga vessels na 250 gross tonnage pababa asin an saradit na bangka.
Sa ngunyan, an igwang gale warning sa rehiyon iyo an Calaguas Island sa Camarines Norte; pati kan Rapu-rapu sa Albay; Prieto Diaz, Gubat, Barcelona asin Bulusan sa Sorsogon, magin an Northern asin Eastern portion kan Catanduanes.
Nagsasagibo na ngunyan an PCG nin pagpapatrol sa mga pantalan asin sa coastal barangay nganing syertuhong wara nin makakalusot.