Padayon nga gi-obserbahan sa mga doktor ang kondisyon sa usa ka lalaki kini sa nadisgrasya sa gisakyang motorsiklo alas-2:30 kagahapon sa kadlawon sa Luak 1-A Barangay Bayabas, Toril District, ning syudad.
Ang biktima nailang si Cecenio Jr T Paña, 40, minyo, plumer ug residente sa Purok 3, Sitio Tinulang, Barangay Bayabas, Toril, Davao City.
Sa imbestigasyon sa Eden Police Station, gisubay sa maong motorsiklo ang maong dalan pasaka sa Luak Road, padulong sa Tinolang Barangay Bayabas.
Apan kalit na lamang sumala pa nga nakatulog ang driver ug nibangga kini sa road barrier, nga maoy hinungdan nga nakaangkon kini og daghanang samad sa lawas.
Dali hinoon nga gidala ang biktima sa pinakaduol nga ospital aron nga kadapatan og tambal.
Pahimangno na lamang sa kapulisan nga mag-amping sa pagmaneho ug sigurohon nga anaa sa kondisyon ang panglawas kung mubyahe aron kalikayan ang disgrasya.