LEGAZPI CITY – Inanunsyo ng lokal na gobyerno ng Daraga, Albay na mayroon nang People’s Council na binuo sa bayan.
Ito ang Daraga People’s Council na bahagi pa rin ng Sangguniang Bayan na pinapangunahan ni Seth Christopher Mendenilla.
Sa panayam sakanya ng Brigada News FM Legazpi, sinabi niya na layunin nito na magkaroon ng pagkakaisa ang mga nasa Daraga sa pamamagitan ng participative governance.
Aniya, bilang bahagi pa rin ng sanggunian, ang bawat miyembro ng civil society organization ay bibigyan ng assignment sa pamamagitan ng mga committee tulad ng Committee on Appropriations, Committee on Trade and Industry at marami pang iba.
Dagdag pa ni Mendenilla, ang mga miyembro ng konsehong ito ang siyang mga tatayong representative ng mga taga-Daraga sa Sanggunian.
Samantala, ilan naman sa mga tututukan ni Mendenilla bilang chairman ng konseho ay ang problema sa basura sa Brgy. Tabon-tabon partikular na pagdating sa waste collection.
Maliban dito, bibigyan din ng atensyon ang problema sa Daraga Prime Water at gagawan ng paraan upang ito’y matugunan.