Patay ang anim na mga sundalo; habang sugatan ang apat na iba pa matapos makabakbakan ang mga ‘di umano’y miyembro ng Dawlah Islamiya sa Munai, Lanao del Norte.
Ayon kay AFP spokesperson Col. Xerxes Trinidad – naganap ang engkwentro kahapon sa Brgy Ramain, ng naturang bayan.
Nagsasagawa ng Decisive Military Operation ang mga tropa sa area nang makaharap ang humigit-kumulang 15 myembro ng DI.
Sa ulat – mayroon ding tatlong miyembro ng DI ang napatay.
Nadala naman sa Camp Evangelista Hospital station ang mga sugatan.
Nagpaabot naman ng pakikiramay ang AFP para sa mga naulila ng mga napatay na tropa.
Kung maaalala – umabot na sa 18 ang bilang ng mga miyembro ng DI na na-neutralize ng kasundaluhan.
Kabilang na rito si alyas ‘engineer’ na sinasabing nasa likod ng pambobomba sa MSU.