LEGAZPI CITY – Pigsyerto kan Libon Municipal Police Station na magigin silensyo asin peaceful an Barangay asin Sangguniang Kabataan Elections (BSKE) 2023 sa bulan kan Oktubre.
Sa intrevista kan Brigada News FM Legazpi kay PCapt. Victor Borjal, hepe kan hepatura, sinabi kaini na sa aldaw mismo kan borotohan, bubugtakan an lambang barangay nin mga personahes gikan sa law enforcement agencies siring kan PNP asin Philippine Army tanganing mamantenir asin maasegurar an seguridad.
Segun pa kay Borjal, igwa naman ki dugang na PNP personnels an nakataltag o nasambit na banwaan tanganing masyerto an pace orden sa lugar.
Pigklaro man kan hepe, basado sa saindang attendance, gabos na barangay kapitan, nag-atendir sa aktibidad na pledge of commitment kan Albay Police Provincial Office na kun saen nagpirma an mga barangay opisyal kasarabay an lokal na gobyerno.
Segun pa opisyal, pigbabantayan naman kan law enforcement agency an mga barangay na nasa red category kan banwaan tanganing masyerto an seguridad kan lugar hasta sa aldaw nin eleksyon.