LEGAZPI CITY – Pigkumpirmar kan Overseas Workers Welfare Administration (OWWA) Bicol na wala pa silang natatanggap na reported casualty o injury sa mga Bicolanong nasa Morocco makalihis na mamatean an 6.8 magnitude na linog kasusaro.
Sa intrevista kan Brigada News FM Legazpi kay OWWA Bicol Regional Spokesperson Bermard John Bonnet, sinabi kaini na dae pa sinda nakakaresibe nin mga report hale sa Philippine Embassy sa mga Bicolanong naapektaran kan linog.
Segun kay Bonnet, padagos pa man an pagmomonitor kaibahan an embahada tanganing maipaabot tulos sa mga pamilya an insidente.
Kadaklan sa mga Bicolanong nagtatrabaho sa nasambit na nasyon, mga domestic helper asin mga hotels staffs.
Sa ngunyan wara pa man nin mga pamilyang nakikipagkoordinar sainda o sa embahada kun igwang reported na nagadan o nalugadan.