LEGAZPI CITY – Mas papalakasin pa ng provincial government ang kanilang solid waste management sa lalawigan.
Ito ay dahil sa mahigpit na nakabantay ang Environment and Natural Resources Office (ENRO) sa mga lokal na pamahalaan kung solid waste management ang pag uusapan.
Ayon kay ENRO Head Ma. Teresa F. Atos, kailangang matuto ang lahat sa tamang pagtatapon ng mga basura ngayong hindi pa kaya ng mga LGUs na makapagpatayo ng sariling nilang sanitary landfills.
Matagumpay din na naidepensa ng lalawigan ang 10-year SWM plan sa commission en banc, at sinabing malaking hakbang ito upang mapabilang ang lalawigan sa isa sa mga criteria ng Seal of Good Local Governance (SGLG).