Irereview ng Philippine Health Insurance Corporation (PhilHealth) ang kanilang benefit packages para sa Covid-19 sa gitna ng kasalukuyang coronavirus situation ng bansa.
Ayon kay President at Chief Executive Officer Emmanuel Ledesma Jr., na ira-rationalize ng Philhealth ang kasalukuyang Covid-19 benefit packages, lalo na para sa inpatient packages, RT-PCR, at rapid antigen test, at isolation packages.
Isasagawa ang review dahil may mga pagbabago umano sa protocols at guidelines para sa Covid-19.
Samantala, hindi naman direktang masagot ni PhilHealth Senior Vice President Israel Francis Pargas, kung magkakaroon ba sa naturang review ng decrease o increase ng benepisyo na maisasama sa packages.
Sa kabila nito, tiniyak ni Ledesma sa publiko na ang review ay mahigpit na isasagawa.