ILOILO CITY — Nagpaguwa eon it pondo ro Department of Budget and Management para sa improvement it kapasidad it Philippine Genome Center sa Visayas nga sa University of the Philippines (UP) Visayas- Miagao Campus sa Iloilo.
Nasayuran nga naproseso eon sa UP System ro nasambit nga pondo nga gamiton para sa daywa ka satellite facilities it PGC para makapatigayun it whole genome sequencing nga nagatumod sa presensya it covid-19 variants sa mga positive samples.
Ginaeauman nga mapadasig eon raya para mas maging madali eon lang para sa mga syudad ag probinsya sa Visayas ag Mindanao nga magpadaea ku andang samples para sa sequencing. / ANN DESLENE SALAZAR