Nagapadayon ang matul-id nga imbestigasyon nahanungod sa nangin report sang UP-Philippine Genome Center naghalin sa probinsya sang Negros Occidental ang ginpahayag sang Department of Health nga nahauna nga Lambda variant case sang Covid – 19 sa pungsod Pilipinas. Ginpahayag ni Negros Occidental Provincial Administrator Atty. Rayfrando Diaz II ginatudlo sang Philippine Genome Center sa ginpatigayon nila nga genome sequencing nga nagpositibo amo ang isa ka pumuluyo kag nagabusong nga babayi gikan sa banwa sang Valladolid.
Suno kay Diaz ang indi kinaandan ukon ang kinatuhay sang sa kinaandan sa sini nga sirkumstansya amo, nga ang tanan na- trace nga close contact sang pasyente ang lunsay negatibo sa Covid -19 kag ini ang wala makatilaw biyahe sa guwa sang probinsya sang Negros Occidental durante sang nakaliggad nga tuig.
Sa karon, suno kay Diaz ang Provincial Health Office upod sa Department of Health ang nagahimo na sang nagakaigo nga ‘verification’ kag madalom nga imbestigasyon sang sining isa ka kaso sang Lambda variant .