LEGAZPI CITY – Pigsiyerto kan Philippine National Police (PNP) Bicol na preparado na an saindang opisina magin an mga personahes kaini para sa burukasan kan klase saaga, Agosto 29.
Sa intrevista kan Brigada News FM Legazpi kay PNP Bicol Regional Spokesperson PLt. Col. Malu Calubaquib, pigsabi niya na antes pa an kralasehan, nagkondusir naman ki Brigada Eskwela na pigpartisiparan kan nagkapirang mga kapulisan.
Segun pa saiya, sa nakalihis na duwang semana, igwa naman ki mga klaseng nagburukas asin na-monitor ninda na igwa ki mga pulis na nagamando sa trapiko.
Igwa su boot na maabot sa labi 3,000 na mga kapulisan an nakalatag na sa manlain-lain na lugar digdi sa Kabikolan nganing syertuhon an kaligtasan asin seguridad kan mga kaakian.
Apwera kaini, segun pa kay Calubaquib, preparado man an PNP nganing syertuhon an seguridad kan mga estudyante na gikan sa mga hararayong mga lugar.
Sa paagi su booy ini kan saindang 30 team na kumpwesto ki tig-8 mga personahe na iyo an mabantay asin maasister sa mga estudyanten g gikan sa mga far-flung barangays.
Katakod kaya ini su boot sa mga nairehistrong mga engkwentro kan tropa kan mga militar asin NPA kan mga nakalihis na semana asin bulan sa manlain-lain na lugar digdi sa rehiyon.