Planstado eon ru preparasyon it Local Disaster Risk Reduction Management Office (LDRRMO)-New Washington sa selebrasyon it San Juan de Bautista hin-aga, June 24.
Suno kay Mr. Nicanor Denila, Jr., LDRRMO III New Washington, preparado eon ru mga rescuers, posting areas it mga responders sa pagbukas it selebrasyon.
Indi magpakampante ag maging vigilante ru mga ginikanan sa mga gina bantayan ru mga inunga ag isipon permi ru safety it kada isaea.
Gina tutokan sa makaron it LDRRMO-New Washington ru area it Brgy. Tambak sa nasambit nga municipalidad dahil sa madaeom nga baybayon.
Aminado man si Denila nga kueang gid ru mobility vehicle it New Washington ingkasong may matabo nga uwa gina saligi nga mga insidente sa oras it selebrasyon.
Naka augment man eon ru mga personnel it LDRRMO-New Washington sa mga barangay it Tambak, Cawayan ag Fatima sa nasambit nga municipalidad.
Samtang haum man eon ru mga rescue boats ag vehicles sa coastal areas.//MARIVIC Y. ILIN