Nagpaandam ro Police Regional Office 6 (PRO-6) sa mga kapulisan nga likawan ro pag-inom it aeak sa publiko nga lugar ag indi magpartisipar sa ilegal nga sugae.
Base kay Police Brigadier General Flynn Dongbo, PRO-6 director, dapat maging huwaran ro mga kapulisan sa komunidad bangud ro sugae hay nagaksamad it career.
Ku nagtaliwan nga dag-on, daywang mga kapulisan ro gindakop bangud sa pauwak o illegal cock derby.
NAghiwat man it operasyon ro mga tinawo it Oton police station sa Barangay Cagbang ag lima ka mga kapulisan ro nadakop nga naga-promote it ilegal nga sabong.
Ku Abril 4 it nagtaliwan nga dag-on, nadakop si Police Staff Sergeant Jose Decabo-on sa sambilog ka police operation sa Barangay Torocadan, San Joaquin, Iloilo nga nag-intra sa ilegal nga sabong./JIL B. LACSON