KALIBO, AKLAN—Magapabilin nga sa idaeom it Modified Enhanced Community Quarantine (MECQ) do probinsya it Aklan umpisa Setyembre 1-7, 2021.
Suno kay Presidential Spokesman Harry Roque, kaibahan it Aklan nga una sa MECQ sa Region 6 do mga probinsya it Iloilo ag Iloilo City samtang do Capiz, Antique ag Bacolod City hay ginbutang man sa general community quarantine (GCQ) with heightened alert ag una sa general community quarantine do Guimaras ag Negros Occidental.
Sa pihak nga parte, sa maabot nga Lunes nga adlaw hay nakataeana nga magpueong do Provincial IATF para sa posibilidad it pagrekomenda ag pag-apela sa National IATF nga ibutang sa mas manaba nga quarantine classification ang probinsya.
Nasayuran nga ku mga nagtaliwan nga dominggo hay amat-amat eon nga naganaba do kaso it COVID-19 sa Aklan kung siin padayon man nga naganaba kara do positivity rate. // SHERRY ANNE REUNIR-VIDAL