GIAKSYONAN gilayon ang problema ug reklamo sa mga Senior Citizen nga dugay ang pagproseso sa ilang mga panginahanglanon, diin gipangitaan kinig pamaagi aron nga hapsay ang transakyon.
Gisaysay ni Roger Neri, usa sa mga empleyado sa Senior Citizen Office Oroquieta, nga ang kanunay problema o reklamo sa mga senior, mao ang pag-apply para Senior, magpagama ug I.D, ug kadtong mga adunay dawatonon nga mga pension, diin maaberya usahay tungod sa mga kulang sa mga risikitos, nga kinahanglan ipasa sa ilang buhatan.
Dugang pa nga mas ilang gipadali ang pagproseso aron walay sango kon ugaling isumite na kini sa ilang buhatan, ug gahatag ug klaro nga mga pagpahimangno sa kadtong adunay transakyon kanila.(Cj Lozano)