BICOL—Ibubusol kan Department of Agriculture ang recovery, rehabilitation asin repopulation program para sa indusriya nin pag-orig o hog raising sa bilog na probinsya nin Catanduanes.
Iyan ang naging pahayag ni Provincial Veterinarian Dr. Jane Rubio sa isinagibong launching kan “Bantay ASF sa Barangay o BABAY ASF” program kaning nakaaging aldaw na ikinundusir sa banwaan nin Virac.
Kabali sa mga tinukar kan opisyal sa saiyang naging mensahe ang dapit sa salient points kan D.A – A.O.7 series of 2021 na iyo ngani ang pag implementar kan nasambit na programa sa mga barangay sa probinsiya na naapektaran kan ASF asin dawa si mga nakasalbar sa humang idinara kan swine virus.
Sa laug kan programang ini, mas tatawan nin atensiyon kan D.A asin Provincial Veterinary Office ang istriktong pagpautob nin mga maninigong lakdang para maibitaran ang paglakop nin ASF sa probinsya arog kan mahigot na pagbantay asin pag inspeksiyon sa mga naglalaug na suplay nin karne sa probinsya nin Catanduanes.-30-
