Ginklaro ni Dr. Jessie Glenn Alonsabe, ang pinuno sang Regional Epidemiology and Surveillance Unit sang Department of Health-Center for Health Development Western Visayas ang papel lamang sang DOH Regional Office 6 nga sila ang naga-facilitate sa pagpadala sang specimen sang mga swab test padulong sa Philippine Genome Center para sa nagakaigo nga genome sequencing kun sa diin ang nagapili sang igapadala nga specimen partikular nga molecular laboratory kun sa diin gin-swab ang isa ka pasyente kaangay sa natabo sa 35 anyos nga iloy nga taga-banwa sang Valladolid nga nagpositibo sa Lambda variant sang Covid -19.
Suno kay Alonsabe, indi lang travel history ang pagalantawon kun ngaa nalatnan ang nasambit nga iloy kundi hibalu-on kag lantawon kun si sin-o nga mga persona ang na-kontak antes pa man ginpatigayon ang sequencing sa genome center.
Para sa iya indi na kinahanglan nga magbiyahe sa iban nga pungsod ang isa ka persona agud malatnan sang corona sa diin ang Lambda variant sa Negros Occidental partikular sa banwa sang Valladolid ang isa ka local case.