Patay ang isang retiradong sundalo matapos itong pagbabarilin sa Barangay Domoit, Lucena City nitong Martes, Marso 26.
Sa pahayag ng isang saksi, bandang alas-10:30 ng gabi nang marinig nito ang mga putok ng baril kung kaya kinaumagahan ay nagtungo ito sa tahanan ng biktimang si “Jesus”, 68-anyos at doon ito nakitang nakahandusay at wala ng buhay.
Sa ngayon, patuloy ang isinasagawang mga operasyon ng awtoridad upang madakip ang suspek at matukoy ang motibo nito sa pamamaril.